Kryetari i Komunës së Gjilanit, Alban Hyseni, ka njoftuar se kanë siguruar transportin për qytetarët e kësaj komune që kanë të drejtë vote në zgjedhjet e jashtëzakonshme parlamentare të 17 dhjetorit në Serbi.

Hyseni me anë të një postimi në Facebook, Hyseni ka bërë thirrje për mobilizim për sipas tij, të vazhduar betejën për të vërtetën e shqiptarëve të Luginës së Preshevës, përcjell Arbresh.info.

Postimi i plotë:

Sigurohet transporti për qytetarët e Gjilanit që kanë të drejtë vote në zgjedhjet e jashtëzakonshme parlamentare të 17 dhjetorit në Serbi

Të dashur bashkëqytetarë nga Lugina e Preshevës,

Ju njoftojmë se komuna e Gjilanit ka siguruar transportin për të gjithë ju që jetoni e veproni në Gjilan, për në zgjedhjet e jashtëzakonshme parlamentare të 17 dhjetorit në Serbi.

Për më shumë informata, ju lutemi të drejtoheni tek Zyra për Preshevë, Medvegjë dhe Bujanoc në kuadër të komunës së Gjilanit.

Të mobilizohemi për të vazhduar betejën për të vërtetën e shqiptarëve të Luginës së Preshevës./Arbresh.info